Gizarte-gaiei buruzko aholkularitza
Gizarte-gaiei buruzko Aholkularitzako zerbitzuen bitartez, gizakien, batez ere, gizartean baztertuta daudenen edo desabantailak dituztenen, eta umeen, nerabeen eta gazteen, gizarte- eta kultura-garapena eta horien guztien bizi-baldintzak hobetzen lagunduko duten ekimenak, publikoak zein pribatuak, sustatzen ditu EDE Fundazioak.
Gizarte-gaiei buruzko aholkularitza-jardueren bitartez, hortaz, honako hauek sustatzen ditu EDE Fundazioak:
- Erakunde berriak eta egitasmo berritzaileak.
- “Kudeaketa aurreratu”ko prozesuak, hirugarren sektoreko erakundeetan eta administrazio publikoetan.
Xedea
Gizarte-gaiei buruzko aholkularitzako jardueren bitartez, lankide dituen gizarte-erakundeek eta gainerako erakundeek honako hauek lor ditzaten lagundu nahi du EDE Fundazioak:
- Izateko arrazoia ondo jakin dezaten eta ekintzak nork bere nortasunaren arabera zehatz ditzan.
- Inguruko aldaketetara irekita egon daitezen.
- Xede-herritarren igurikimenak behar bezala eta modu iraunkorrean bete ditzaten, herritarren parte-hartzea aintzat hartuz.
- Informazioa behar bezala planifika eta kudea dezaten eta baliabideak administra ditzaten.
- Erakundeetako kideen hazkunde pertsonala eta profesionala ekitate-printzipioa aitzat hartuta susta ditzaten.
- Beste erakunde eta agente batzuekin lokarriak sor ditzaten, sareko lana sustatuz.
- Gizartean egiten duten lana nabari egin dezaten.
Jasotzaileak
- Irabazi-asmorik gabeko erakundeak: elkarteak, fundazioak, gizarte-ekimeneko kooperatibak...
- Administrazio publikoak, batez ere, toki-administrazioa.
- Gizartegintzako egitasmoa izanda, irabazi-asmorik gabeko erakundea eratu edo ekimen kolektiboa gauzatu nahi duten pertsonak.
Zerbitzuak
EDE Fundazioak, aholkularitza-jarduera hauen bitartez lortu nahi ditu xedeok:
- erakunde- eta estrategia-aholkularitza
- egitasmoei buruzko aholkularitza
- giza baliabideei buruzko aholkularitza
- kalitatearen kudeaketari buruzkoa, kudeaketa etikoari eta gizarte-gaiekin arduratsua den kudeaketari buruzkoa eta ingurumen-kudeaketari buruzkoa
- komunikazioari buruzko aholkularitza
- generoari buruzko aholkularitza
- INDARTU egitaraua
- administrazio Publikoentzako eta erakundeentzako berariazko zerbitzuak
EDE Fundazioa gizartegintzan (gizarte-zerbitzuak, gizarte- eta hezkuntza-zerbitzuak, kultura-zerbitzuak, zerbitzu soziosanitarioak...) espezializatutako erakundea da. Horretarako, gazteekin, emakumeekin, etorkinekin, adinekoekin eta urrituekin lan egiten espezializatuak diren pertsonak eta baliabideak dauzka.
Erakunde bakoitzari egokitutako laguntza zuzena ematen gauzatzen da aholkularitza-lana.
