30 Jun, 2019
Nafarroako Gobernuak, Nafarroako Gobernuko Herritarren Arreta eta Parte-hartze Zerbitzuaren 2017-2019ko Nafarroan Herritarrek Parte-hartzeko Bultzada Planaren 2.6.2 neurriak zehazten duenaren ildotik, eta UNICEF Espainiako Batzordea buru dela Haurren Hiri Adiskidetsuen Programa erreferentzia gisa hartuta, Foru Komunitateko udalerrietan haurren eta nerabeen esku-hartzea bultzatu nahi du.
Horretarako, laneko prozesu pilotua jarri du martxan. EDE Fundazioa arduratu da horretaz eta Nafarroako 6 udali eman die laguntza eta babesa (Burlata, Castejón, Cintruénigo, Mendavia, Zizur Handia eta Eguesibarra) udalerria Haurren Hiri Adiskidetsu gisa aitortzeko prozesuaren ekintza nagusietako bat diseinatuz eta ezarriz UNICEF bidez: udalerrian haurrak eta nerabeak ordezkatzeko eta parte hartzeko etengabeko erakundea.
Aipatutako prozesuari laguntzeaz gain, EDE Fundazioa esperientzia horiek sistematizatzeaz eta horietatik Nafarroako beste udaletara bideratzen den ezagutza transferitzeko GIDA egiteaz arduratu da.
Era berean, prozesuaren diseinuak udalen artean sareak eta itunak ehuntzea erraztu du, baita udal horiek haurren eta nerabeen ongizateari egiten dioten ekarpena balioestea ere.
Nola gauzatu dugu?
Haurren eta nerabeen partaidetzako tokiko erakundeak diseinatu eta martxan jartzeko, LAGUNTZA KOLEKTIBOAN oinarritutako prozesua garatu da, udalen arteko lan eremu bateratua, aholkularitzan eta haurren partaidetzan adituak diren pertsonek lagunduta, betiere, udalerri bakoitzean haurren parte-hartze erakundeak martxan jartzea sustatzeko eta horiekin lotuta partekatutako ikaskuntzak sortzeko.
Prozesuan zehar laneko 4 modalitate osagarri konbinatu dira: taldeko saioak, banakako saioa, eremu birtuala eta presentziala ez den parte-hartzea.
Zergatik “ikaskuntza kolektiboa”?
- Partekatutako ikaskuntza banakakoa baino estimulagarriagoa delako;
- Dokumentuak, esperientziak eta animoak trukatzeko eremuak ahalbidetzen dituelako;
- Beste pertsonak eta erakundeak ezagutzen laguntzen duelako, baita ikaskuntza-uneez harago harremanak eta lankidetzak ezartzen ere.
Zer onura lortzen dituzte erakunde parte-hartzaileek?
- Beste eragileekin itunak sendotu ditzakete, baita ekintzen inpaktua biderkatu ere;
- Jardueran hobekuntzak orientatzeko erabilgarria izango den informazioa modu ordenatuan biltzeko, biltegiratzeko eta aztertzeko gaitasunak erdiesten dituzte;
- Arlo desberdinetan lan bateraturako eta koordinaturako hobeto prestatuta daude;
- Haurrek eta nerabeek jarduerari dagokionez duten pertzepzioaz gehiago jabetzen dira;
- Jardueran ezarritako hobekuntzak monitorizatzeko prestatuago daude;
- Erakunde parte-hartzaileagoak dira. Horietan, haurrek eta nerabeek protagonismo handigoa izango dute;
- Haurren eta nerabeen ongizateari egindako ekarpena bistaratu eta balioetsi dezakete;
- Esperientzien eta besteen jardunbide egokien bidez, ezagutza zabaltzen dute;
- Haurren eta nerabeen parte-hartzeko ekimenei jarraikortasuna ematen lagunduko duten tresnez hornitzen dira.
Joan zaitez proiektu honekin zerikusia duten albisteetara:
Noticia sobre la jornada de reflexión de la importancia de la participación infantil adolescente